阿仙奴目標衝擊各大錦標
社區盾大勝顯霸氣
英超季前賽社區盾於當地時間周日上演，阿仙奴憑卡拉費奧利、夏維斯及馬田奧迪加特各建一功，以3:0輕取曼城，表現盡顯霸氣。經過今仗，各界均看好「兵工廠」有力衛冕英超，隊長奧迪加特更豪言，球隊將全力以赴爭取贏盡所有錦標。
上季打破多年悶局贏得英超冠軍的阿仙奴，新季繼續增兵引入中場般奴古馬雷斯和翼鋒謝索利斯等新兵，兩人於社區盾亦「擔正」搏殺。曼城新帥馬利斯卡除派上剛歸隊的艾寧夏蘭特，億元新兵艾利洛安達臣亦在正選名單。「兵工廠」開賽即控制戰局，卡拉費奧利僅花了23秒便閃電先開紀錄，夏維斯亦於28分鐘以頭槌建功，加上奧迪加特易邊後僅48秒再下一城，最終輕勝3:0。
阿仙奴主帥阿迪達賽後說：「我對球隊嘅表現、結果同贏得首個錦標非常高興。面對強勁對手，我睇到好多積極方面，一切都要歸功於季前賽充分準備，仲有各將喺世界盃後繼續積極備戰、提前歸隊嘅決定。如果我哋維持咁樣嘅水準，新季一定會展現出強大競爭力。」
在比賽中交出兩記助攻的新兵謝索利斯，賽後亦成為焦點，阿迪達對這名24歲希臘天才翼鋒高度評價：「謝索利斯十分聰明，好快就融入球隊，佢總可以喺禁區附近搵到隊友或完成最後一擊，佢已經一再證明呢一點，會係球隊今季關鍵人物之一。至於古馬雷斯，佢會令我哋嘅中場陣容更為強大！」
在贏得社區盾後，阿仙奴將要準備香港時間周六凌晨主場對高雲地利的聯賽揭幕戰，隊長奧迪加特發表豪言壯語：「我哋今場表現完美，證明已經準備就緒，新球季會努力向各大錦標作衝擊；當上季試過捧盃滋味後，所有球員都想繼續體驗呢種難能可貴嘅快樂。」
曼城中場問題需改善
哥帥離隊後，曼城找來曾任其助教的前車路士主帥馬利斯卡領軍，但在貝拿度施華轉投皇家馬德里、洛迪即將加盟巴塞隆拿下，貴價新兵艾利洛安達臣又偏向「工兵型」，球隊中場控球能力明顯不及過往，馬利斯卡賽後說：「我哋有大量要檢討嘅地方，有好多環節需要作出改善，依家唯一可以做嘅，係新球季開始前喺訓練場努力工作。」
