仁足社女足踏上亞洲舞台
逐步邁向職業化
由前身車路士足球學校（香港）開始，已參與女子足球培訓工作接近20年，一直靠自家青訓班底作戰的仁足社，由原來場邊數十名觀眾，到大賽時數百球迷高呼球員名字。主席陳祖龍（Raymond）透露球隊正逐漸邁向職業化，今季首次代表香港出戰女足亞洲賽。仁足社今天將在亞冠外B組首戰對柬埔寨金邊皇冠，展開她們在亞洲舞台的新一頁。
仁足社在上季女甲表現強勢，以不敗佳績捧走球隊易名後的首個聯賽冠軍，其後又兼得足總盃榮登「雙冠王」。今季首次代表香港出戰亞冠外被抽入B組，同組對手包括東道主吉爾吉斯的FC伊爾伯斯、菲律賓的FC卡雅及柬埔寨球隊金邊皇冠。
由女足青訓到女甲冠軍再到首次代表香港出戰亞冠外，仁足社一步一腳印，當中關鍵一步，全因主席陳祖龍努力推動職業化：「我哋已經做咗十幾年女足青訓，對上3屆都獲女甲亞軍，我覺得冇理由唔去衝冠，舊年就換教練，逐漸專業化。」仁足社每周的訓練堂數由兩堂增加至4堂，對於一班習慣非職業訓練模式的小妮子是極大挑戰，加上隊中還有球員在學，所以Raymond認為需要按部就班。
陳祖龍指還在學的球員將行半職業，大專畢業的就Offer全職合約：「我有同梁匡蕎父母傾談，畀佢留喺香港發展，簽咗全職合約，之後逐步逐步offer『阿純』（馬澤純），同其他大專畢業球員。我哋都明白球員情況，佢哋星期一要跟港隊操練，有啲球員仲要踢大專比賽，依然所有訓練都有出席，我都被佢哋嘅熱誠感動。」
首戰柬埔寨金邊皇冠
仁足社今季繼續用原有班底應戰，陳祖龍坦言希望給予自家球員機會：「就算搵外援都要畀機會自家青訓，仁足社喺菲律賓、柬埔寨等地都有培訓球員。」球隊更是充滿人情味的大家庭，當中王淑芬今年40幾歲仍未退役，而且愈操愈fit，仲會好似姐姐咁照顧兩位來自菲律賓年輕球員。
仁足社將於今日出戰柬埔寨球隊金邊皇冠，陳祖龍強調對球員及教練有信心，能夠給予同組對手壓力：「球隊係有競爭力，當然希望出到線，就算最終未能做到，我哋球員仍然好年輕，慢慢會累積到經驗。」
