東方開操 10名新兵亮相
擴大教練團 注重數據分析
港超聯球隊東方昨日在將軍澳足球訓練中心進行公開操練及拜神儀式，10名新球員均有亮相。東方首席顧問游永強指新季重點擴大教練團，引援着重實用性，今季一定會為球迷帶來精彩比賽。
上季聯賽排第4的東方，有丹尼爾、賀爾、余在言、基華尼頓等15人離隊；球隊今季加入10位新球員，包括龍梓軒、羅振庭、王力威和李俊霆以及上季最佳青年球員李樂謙、前馬德里體育會青訓高華、多明尼加共和國國腳羅倫素等。球隊繼續由今年1月接手的文奴托利斯領軍，同時引入西班牙籍的戴亞斯為分析員、來自薩爾瓦多的沙蘭奴則任助理教練。
游永強透露班費維持過千萬，在教練團方面亦有調整：「班費同往年相若，主要擴大教練團，多咗兩位新同事，注重數據分析同去研究對手打法。有好球員，都需要有好嘅教練團支援。」東方簽入4名新外援，游永強指引援方針着重實用性：「我哋睇嘅係球員過往表現同數據，其實之前巴科爾、大久保優來港時都欠缺名氣，但結果都成為最佳射手。」
門將袁皓俊不懼競爭
東方的幾名本地新兵中，龍梓軒、羅振庭、李俊霆和王力威皆是東方青訓出身。其中由九龍城回歸母會的龍梓軒指効力青年隊跟一隊的感受有所不同：「重返東方目標係盡量爭取上陣機會，會同隊長梁冠聰良性競爭。做呢個決定唔容易，始終喺九龍城有穩定出場機會，不過我覺得唔可以留喺舒適圈，應該要跳出去突破自己。」
同樣由九龍城轉投東方的袁皓俊就指東方是一支有競爭力的球隊：「前兩季都効力中游球隊，東方可以令我體驗到唔同氣氛環境。」東方本已有「門神」葉鴻輝坐鎮，惟他因膝傷仍未完全復操，預料年底前才會正式復出。這意味着袁皓俊季初將會與高俊爭正選席位：「競爭就係大家互相推動，對球隊係好事，隊中所有龍門都係同樣想法。」
