《愛·回家之三代同糖》首播晚宴 車婉婉吳若希為新劇接棒打氣
香港文匯報訊（記者 梁靜儀） 無綫新處境喜劇《愛·回家之三代同糖》前晚（10日）舉行首播晚宴，車婉婉、吳若希（Jinny）、李茵彤（Desta）、李偉健（Terry）、何依婷、趙浚承、關曜儁及周志康等齊集觀看首播，車婉婉偕兒子BBQ到場，高層曾勵珍亦現身為演員打氣。
上星期《愛·回家之開心速遞》大結局接棒儀式中，後排演員被網民指黑面。車婉婉反問：「係咩？佢哋會唔會係好傷心、不捨，因為開拍咗9年，就算對住一個伴侶或朋友，都會有少少lost嘅感覺。」身為《愛·回家》四朝元老的Terry坦言可代表自己及《開心速遞》演員發聲：「唔單止嗰日大結局，大家喺廠房入面拍攝嗰陣已經好攰同傷感，我哋能夠笑到一成已經好勁。」
吳若希獲選主唱主題曲，車婉婉澄清自己並無爭唱：「公司叫我做乜就做乜。」吳若希則笑言：「其實我收到接拍劇集消息後，第二日就通知要唱主題曲，第三日錄音，得一晚時間練習。因為大家要求保密，給大家一個驚喜。」
被問到會否擔心觀眾將新劇與《開心速遞》比較，Jinny坦言：「觀眾習慣咗舊面孔陪伴食飯，突然換咗比較少出現嘅面孔，我心態係好ready大家會未慣，畀啲時間我哋啦。」Desta則指心情興奮與期待，會繼續努力。
何依婷早前身穿英超曼城球衣被網民質疑為「假波衫」。她解釋是託友人在英國體育用品店購買的正品，她坦言平時很少回應網上評論，但因事件牽涉朋友信譽，才親自澄清：「都係個美麗小誤會，相信網民都係好心提醒我。」
