Jeremy開騷拒除衫 透露將推新歌
男團MIRROR成員李駿傑（Jeremy）日前出席首張演唱會藍光碟簽唱會，吸引近500位粉絲到場支持。活動上，Jeremy分享製作該藍光碟的設計概念和演唱會難忘點滴，又即場演繹多首歌曲，並與一眾粉絲大玩遊戲。
Jeremy透露將會繼《黑蛇傳》後再推出全新單曲，MV亦將於月底拍攝：「要拍完團綜先得閒，生日（9月8日）之前應該冇機會出到，起碼生日後……趕得切都希望係生日禮物。」
Jeremy又指年底MIRROR要開騷，因此個人演唱會最快都要等到明年，「其實腦海中已經知道晒要做啲咩，依家都仲係計劃緊，會努力同公司爭取！」早前隊友陳卓賢（Ian）演唱會除衫騷肌片段在網上瘋傳，Jeremy笑指會堅守尺度與原則：「冇人贏得到佢！我諗大家要除褲先可以！（你打算除褲？）我唔會，除衫都冇嘢睇、因為我係一條柴！大家唔使幻想啦，每場都叫我除衫，我已經習慣咗，唔會應承！」
