周志康不信《中聲4》賽果內定
香港文匯報訊（記者 梁靜儀）《中年好聲音4》（簡稱《中聲4》）決賽7強名單疑似流出，其中被視為冠軍大熱門的周志康，以及陳旭培和鄭仲豪疑遭淘汰，引起爭議，周志康對賽果守口如瓶，並相信賽果不是內定。
周志康、陳旭培及尹景順昨日為《我推的中4人氣見面會+陪你睇直播》進行綵排探班。三位即場預演合唱《友情歲月》及玩鬥長氣遊戲。
《中聲4》總決賽本月23日假啟德體藝館舉行，當晚7強選手將會爭奪冠軍寶座。周志康坦言已知道7強的賽果，但為了尊重節目組，大家口徑一致不說。對於盛傳7強止步，周志康說：「我覺得入唔入得到都無所謂，最重要係大家喺這個節目過程中有好大得着，其實每一Round，我哋每次唱一首歌，喺唱之前已經有得着，因為喺訓練過程中累積咗好多嘢，而呢個比賽都係我人生當中一個好重要的比賽，令到自己的音樂路上多咗好多注目。」
對於傳出有「內定賽果」，周志康深信不會有內定：「因為我哋喺現場一路都有聽，我覺得音樂係有喜好，除咗技術之外，點解有咁多評審，係因為佢哋都有自己對於音樂的想法，甚至觀眾都有自己的想法。我覺得有意見係正常，因為同一首歌，唔同人唱，我就只係喜歡佢唱多啲。」
至於尹景順還未完成比賽，已獲安排參與旅行團活動，他表示不知道，也是落飛機看到海報才知道，笑言多謝觀眾支持。問他可覺得是內定賽果？尹景順說：「真係冇內定，每個人都有70%，我都唔係每首歌唱得好，我覺得呢屆到20強都唔知邊個贏，因為大家都非常平均。」
