高海寧抗拒跟圈中人拍拖
香港文匯報訊（記者 梁靜儀）熱播劇《夫妻的博弈》主演高海寧（高Ling）、馬國明（馬明）、郭柏妍、何廣沛與鄧智堅，接受TVB娛樂訪談節目《一周星星》主持許文軒訪問，分享鏡頭背後鮮為人知的趣事。
高Ling於《夫妻的博弈》飾演原本在家庭和職場上受盡欺凌，但憑預知夢改寫命運成為女強人的姜幸如，被問到是否很大挑戰時，她坦言：「其中一場戲冇咗半條人命，就係我發現郭柏妍同張頴康真係喺張床度！」她坦言現實中若發現最愛的男人與最好的閨蜜上床，更要被侮辱「你都就嚟死啦」等惡毒言語，是極度痛苦的事，她說：「所以嗰場戲好真情實感去做，中間有一Part我要打你（郭柏妍）個頭，我係冇留力㗎，因為真係好傷心，傷心到嗰吓所有情緒爆發出嚟。」郭柏妍則表示當時演得太投入，已忘記拍打力度。
節目中，高Ling還大談擇偶條件，她承認公司有很多好男人，但就不想跟行內人拍拖：「原因係我好想喺工作之餘嘅時間，想做返一個平常人。」此時節目突然播出洪永城預先錄吓的片段，他自爆曾做媒人，推薦了幾個男性朋友給高 Ling：「唔知道𠵱家發展如何呢？好似麻麻哋，但唔代表佢（高 Ling）要求非常高。」高Ling聽後即睜大雙眼，緊張地澄清：「絕對冇啲咁嘅事！」更稱馬明可以做證人。
先天有聽力問題的何廣沛表示，平時會戴助聽器，但由於拍劇時無法佩戴，若對手站得較遠，他就會聽不到對方說話，因此他坦言：「所以我拍戲嗰陣要好專心，唔會玩任何嘢，仲要背埋人哋啲尾句，背晒所有嘢囉。」
