湯怡慰問受傷衛詩雅：佢都想快啲好返
香港文匯報訊（記者 梁靜儀）有份參與健康教育微電影《腰豆》拍攝的湯怡昨日出席分享會時坦言，若非必要不會主動求醫，身體不適時傾向多休息、多睡覺。不過經過今次拍攝，她明白有時看醫生是必須的，亦會記下醫生的聯絡方式，因為「識人好過識字」：「現在開始儲定，大家做個朋友，一定無壞。」身為媽媽的湯怡笑言，近半個月下雨兼打風，很多室外活動都無法進行，對於要為女兒「放電」的她來說是一大考驗：「現在打算同女兒砌一個好大嘅Lego樂園，已經施工中，還計劃緊去旅行，要有陽光與海灘。」
提到好友衛詩雅日前拍劇受傷，傷口縫了50針，湯怡表示已慰問對方：「佢先生好叻，已經幫佢處理好多嘢，大家唔需要太擔心。我有發訊息畀佢，相信佢都想快啲好返，復工同埋出嚟見大家。」馮素波（波姐）則表示自己屬於「一有空就會與醫生聯絡」的類型，手機通訊錄中有各科醫生的號碼，唯獨沒有今日活動的腎科醫生，於是順理成章向醫生「抄牌」。波姐又透露，經過今次拍攝，讓她認識到糖尿病有機會引發腎病：「身體係自己嘅，雖然話自己最清楚同了解，但出現一兩次問題時，最好都去搵醫生，唔好諗住有僥倖。」
波姐將於本月7日舉行《峰波情未了3.0之八十後存在演唱會》，開騷當日亦是她的82歲生日。她表示正緊鑼密鼓地排練，並呼籲未購票的觀眾切勿錯過。問到有否邀請「孫仔」Lokman（楊樂文）與AK（江𤒹生），波姐說：「無同佢哋交談，但如果佢哋唔嫌煩，我都好歡迎佢哋嚟。我當然想佢哋上台做嘉賓，但我冇budget，所以佢哋嚟睇我已經好開心。」波姐又透露已邀請不少好友，當中包括二公主沈芝華，身在內地工作的陳慧珊亦答應會回港捧場。提到胡楓（修哥）日前因急性膽管炎入院昏迷4日，波姐表示也是透過新聞才知悉，相信修哥只是身體「扭吓」，但都希望他身體健康。對於曾經合作的「四哥」謝賢早前離世，波姐說：「都係朋友發我同四哥60年前嘅合照出嚟，我問咩事先知原來佢已經『安樂』咗。」
