「星BA」陝西大捷成流量密碼 阮兆祥順德開球禮搞笑受歡迎
香港文匯報訊（記者 子棠）鄭俊弘（Fred）、張添景和蘇勇燁正式加盟香港明星籃球隊「星BA」，成為新成員。早前三人隨大隊到陝西安康嵐皋村BA主場館參加《「橋心盃」全國籃球邀請賽》，是次活動由中共陝西省委統戰部、中共安康市委統戰部主辦，嵐皋縣人民政府、中共嵐皋縣委統戰部承辦。
「星BA」隊中有「三分王」之稱的陳柏曦，再度成為隊中MVP，投入6球三分波，成為得分王，加上眾人落力表現，最終以62：54贏得賽事。比賽休息期間，一眾隊員現場表演，鄭俊弘還與陳柏曦、陶大衛齊齊穿上長衫演唱，亦是Fred首次這樣表演：「我以前都未試過着長衫，仲喺呢個咁正嘅氣氛之下，唱一批咁有中國風嘅歌，真係好難忘嘅經驗。」是次陝西之行共逗留了4日3夜，眾人除了參加邀請賽外，還爭取時間參與不少文化及旅遊活動，品嘗當地美食。陝西省委統戰部二級巡視員張英，陝西省僑聯黨組書記葉珺，安康市政協主席周建功，安康市委常委陳蓮、羅武俠，安康市人大常委會副主任王孝成等亦有出席活動。由於「2026第四屆陝西·嵐皋村BA文體旅商農系列」以「地球村BA·嵐皋有故事」為主題，吸引了15個國家的國際友好、全國16個省份共100多支球隊齊聚嵐皋，同台競技；今次活動相關的新聞全網曝光近1億次，令「星BA」成為近期的流量密碼。
之後他們再到順德參加《籃球明星賽》，還有阮兆祥出任開球禮嘉賓。當日颱風「紅霞」來襲，令交通大受影響，不少已買門票球迷未能到場支持，阮兆祥盡顯搞笑本色深得現場觀眾歡迎。經過一輪激烈比賽，「星BA」雖敗猶榮。而比賽休息期間，除了鄭俊弘獻唱，阮兆祥也有跟球迷大玩遊戲，被觀眾爭相索取簽名相。賽後莊思敏激動落淚，她解釋：「我係負傷上陣，係傷風個傷，唔覺我把聲好性感咩！」彭迪安則大讚莊思敏：「佢好好，射2球都入咗2球，百分百。」陳柏曦則被唐嘉麟爆因失戀影響表現，陳柏曦笑謂：「筆友嚟嘅，通咗信3年幾佢突然唔理我。但其實係因為隻手抽筋，好彩蘇勇燁幫我按摩先好啲。」對於初嘗敗績，隊員未見太失望，惟阮兆祥自責道：「我都有責任，可能我腳頭唔好，第一次嚟睇佢哋比賽，就要加時落敗，但唔經過失敗經驗點會有成功。最緊要係通過籃球去會友！」他又笑言，若將來落場比賽，必定先操練至最佳狀態才毛遂自薦：「到時我唔係叫兆祥，叫落場，哈哈！」
