男工棚架上叼煙開工 煙頭彈落地下惹眾怒
地盤禁煙法例上月17日起實施已逾半個月，但近日網傳圖片顯示，旺角有男工人爬在棚架上口叼香煙邊抽邊開工，最後更將煙頭彈落地。不少網民批評「下面有人擺檔，煙頭跌落去好危險」、「真係視香港法例如無物」，又指「有相有真相」，建議「舉報佢」。
樓主在Threads發帖發相寫道「阿叔好型叼住口煙搭棚，最後仲一手彈咗煙頭落地。」惹來大批網民關注並斥「命都唔要，唔驚燒棚？」「好危險囉，下面有人擺緊檔，個物料會燃燒」；並質疑工人未做好防墮安全措施，「安全帶都唔識着」。
有網民則指定額罰款3,000元阻嚇性不足，倡加重刑罰至判監；有人則指「工業安全，人人有責！工人往往忽視安全，用自己生命去冒險！」
勞工處回覆傳媒查詢時指，已知悉事件並會作跟進；如發現有人違反地盤禁煙及高空工作等職安健法例，會依法處理。
