蒙加冀為球迷帶來歡樂
17歲曼城小將 視啟德作起點
被視為英格蘭球壇未來希望之一的謝利美蒙加，來季將穿起曼城球衣。即使上場對國際米蘭的友賽未獲派上陣，但這位17歲新星表示已被啟德主場館的初體驗燃起鬥志：「呢個係我見過最大嘅球場之一，球迷充滿能量，喺呢種大舞台上比賽，正係我加盟曼城嘅原因。」
去年4月以15歲271日的年齡代表李斯特城初踏英超賽場，蒙加現在已是英超豪門曼城的成員之一，他認為啟德主場館正是自己生涯新階段的起點：「啟德主場館令我有震撼感覺，未能上陣當然有啲失落，但我知道時機總會到來。」他亦毫不掩飾對香港的喜愛，大讚香港是一座「快樂之城」：「呢度嘅人都好友善，一切都好乾淨，係一個能夠令人開心嘅地方。」
還在上學已加盟曼城，蒙加難免成為學校風雲人物，他笑言同學朋友們都很期待：「同學話想睇我踢波，我知道如果有機會上陣會令佢哋開心，自己都開心！我嘅目標就係希望為球迷帶嚟快樂！」他亦慶幸有前輩願意成為自己的「盲公竹」：「安東尼施美安同艾洛利係我目前關係最好隊友，尤其前者，好多謝佢嘅指導。」
身處星光熠熠的曼城更衣室，蒙加深明在這裏沒有一蹴而就：「我會每日都努力，爭取進入大名單，菲爾科頓同歷高奧萊利，都係喺曼城取得成功嘅年輕球員。領隊（馬利斯卡）講過，只要我表現好就會獲得機會。」
高華錫留隊 盼享受足球
此外，32歲曼城中場高華錫，上季飽受傷患困擾，出場時間寥寥可數，不過在新帥馬利斯卡麾下仍受重用，對國際米蘭的熱身賽便以正選姿態上陣。已經是第2次來中國的他，仍被隨處可見的球迷所震撼：「我哋喺酒店門口見到大批球迷，球場內嘅支持聲音更加不可思議！我早就知道中國球迷對足球嘅熱愛，但每一次親身體驗，都會再次被感動。」
與曼城合約只餘一年，高華錫的去向成為焦點：「我同球會傾過，將會留番喺度，呢個亦係我最希望得到嘅結果。」對於克羅地亞國家隊隊友莫迪歷，來季將以41歲的「高齡」續戰意甲，高華錫表示不想與好友比較：「經歷咗傷病，依家我只想享受足球，保持健康同最佳狀態就夠。」
