貓迷講寵物經濟
劉小姐
「我專程到貓展想囤一囤貓咪糧食同用品，家裏養咗四隻貓，預算大概幾千蚊，主要係買貓糧同貓罐頭。我本身唔會帶貓咪出街，但香港呢幾年大力發展寵物經濟，好多活動都鼓勵帶貓出門，所以對我影響幾大，開始會想帶佢哋出門行。」
李小姐
「專程帶兩隻貓嚟貓展，想買貓糧同零食，預算千幾蚊，冇特別指定要買乜，見到凍乾或其他鍾意嘅用品就考慮入手。近幾年香港發展寵物經濟，覺得呢個市場發展得愈嚟愈成熟，好多人都願為貓咪花錢，市面上產品亦愈嚟愈多元化，希望未來見到更多有創意、本土特色或者注重毛孩心理健康嘅新品牌進駐。」
Callie
「我第一次到貓展，去年領養貓，平時已習慣帶出街，預算一兩千，昨日先買貓玩具同各款凍乾零食，今日想再補凍乾。呢幾年香港大力推動寵物經濟，帶貓出街確實方便好多，今屆貓展品牌比以前多，多咗好多台灣品牌，香港本土自創品牌都愈嚟愈多。」
