巴士乘客除鞋晾腳放凳 高難坐姿如柔軟體操
近期不時有巴士乘客因伸腳到對面「倒頭位」凳上而遭放上網公審，但這種「出位」行徑卻驚現「新高度」！有巴士乘客近日發帖PO相，顯示前方有乘客擺出超高難度坐姿，只見對方脫鞋後高舉雙腳放座椅之上，不禁問道：「咁樣坐會舒服啲？」大批網民留言笑指相中人「摺埋咗」、「柔軟體操運動員」，甚至揶揄「有啲乜嘢會令佢舉腳贊成？」
網民揶揄「練緊巴黎鐵塔」
樓主在fb群組發相，顯示巴士正駛往粉嶺景盛苑，上層前排有乘客脫鞋僅穿襪子，高舉雙腳放凳上，頭部卻不見蹤影。樓主坦言座位狹窄，質疑這坐姿會否坐得舒服。帖文惹來大批網民訕笑，「咁樣咪仲辛苦」、「練緊巴黎鐵塔？」「可能前面嗰個周星馳扮㗎」；亦有人狠批相中人無視他人公然脫鞋露襪，行徑「衰格」。
另有搞笑網民則獻計「想撩走凳底隻鞋踢落車」、「中間劈柴咁劈落去」；亦有網民擔心相中人的安危，追問「急剎會點？」「人命關天，應該通知車長處理？」
