顏志恒魏嘉信風雨不改綵排
香港文匯報訊（記者 子棠）顏志恒（Benson）、魏嘉信及林兆霞三位大朋友，將會聯同200名由4歲至16歲的小演員，於8月14日起上演一連四場音樂舞台劇《我們都in過的第一志願》。Benson、魏嘉信及林兆霞本月已開始密集式為音樂劇綵排，每天都是從早上9時至下午6時排練，但近日因為颱風「紅霞」來襲，令綵排被迫取消。不過，Benson與魏嘉信兩位男主角卻依舊可以風雨不改，照樣早上9時開始綵排，事關Benson和魏嘉信都是「父子檔」上陣，所以可跟兒子留在家裏綵排。
Benson與魏嘉信均首次擔任音樂劇的男主角，問他們可覺得有難度時，二人均稱「會全力以赴，做到最好」。Benson謂：「其實我前幾年有參與過呢個劇，但當時只係一個閒角，今次真係擔正男主角，所以我已經閉關，日日練歌背對白。點知仲要打風，冇得去綵排。但因為阿仔已習慣咗9時就要去綵排，所以我哋兩個索性喺屋企排。」而魏嘉信則謂：「我好好彩，劇中與一位好有演戲經驗的人演夫婦，所以演技上對方幫助我好多，𠵱家排咗幾次。雖然因打風冇得去現場綵排，但我都好好彩，有另外一個對手可以無時無刻、風雨不改咁同我綵排對白同練歌，佢就係我兩個仔喇，佢哋都係演出者。」
音樂劇以「第一志願」為主題，身為爸爸的Benson及魏嘉信則表示，該劇並非只適合父母或小朋友看，魏嘉信謂：「我唔係賣花讚花香，但呢個劇係真係好啱所有人睇，每個人睇完都肯定係有得着。因為我哋成長過，都做過小朋友，我相信每個人都有為自己嘅『第一志願』而煩惱過，所以睇呢個劇，一定唔多唔少有共鳴。」
