《第四幕》揚威紐約亞洲電影節 袁澧林榮獲「亞洲新星獎」
由爾冬陞監製，香港新銳導演王德健自編自導，馮德倫、袁澧林（Angela）、胡杏兒及周秀娜領銜主演的電影《第四幕》獲邀參展「第25屆紐約亞洲電影節」，將香港電影帶到紐約及海外觀眾面前。導演王德健與女主角Angela一同親赴紐約出席影展，Angela更憑藉出色表現獲大會頒「亞洲新星獎」，雙喜臨門！●香港文匯報記者 阿祖
電影《第四幕》首次登陸紐約即獲得當地影迷熱烈回響。編劇暨導演王德健對於作品能遠赴紐約大感振奮，他感性地表示：「無法想像電影可以去到紐約，同 Angela 一起出席紐約亞洲電影節，對我哋團隊係一個特大鼓勵！紐約觀眾嘅反應比我想像中更大，尤其電影節有好特別嘅處理，觀眾係手寫Q&A。我最終保留咗呢啲問題字卡，想細細品味。」
在紐約亞洲電影節頒獎現場，Angela接過「亞洲新星獎」獎座後發表了動人致辭。她首先感謝電影節給予的肯定，並形容這是提醒自己莫忘初心的重要時刻：「多謝紐約亞洲電影節頒呢個咁特別嘅榮譽畀我。我相信呢個係一個好好嘅提醒，叫我繼續做我真正熱愛嘅事。」
感謝導演發掘演戲潛能
Angela在台上感謝導演王德健給予她發掘演戲潛能的機會：「多謝王德健導演為我寫咗《第四幕》呢個角色。佢曾經同我講過『我想睇到你更多強悍、好勝、坦蕩蕩嘅天蠍座一面。』於是佢就開始創作Hanna呢個角色，一個充滿激情、對生命有強烈渴望嘅女仔。如果將『無害嘅小女孩』放喺光譜嘅一端，『大灰狼』放喺另一端，我以前通常接嘅角色都比較偏向小女孩。而導演想像中嘅我，係兩者嘅結合，甚至直接係一隻大灰狼，所以我好開心可以演到佢提供畀我呢個咁獨特嘅角色，非常多謝！」
談到手上的「亞洲新星獎」獎座，Angela笑指獎座實在「分量十足」：「首先個獎好重啦，重到我一路說講辭時已經覺得我啲肌肉快支撐唔到，心諗『咦，我唔係大隻妹嚟嘅咩？』，個獎物理意義上真係好重，有成五六公斤。我仲擔心緊之後上機行李會超重，但無論如何都會帶返嚟，所以話磨煉演技係一回事，如果未來要攞多啲獎，應該要做多啲gym先可以迎接更加多嘅獎項。」
紐約觀眾反響極佳
今次是 Angela 首次與紐約觀眾一同欣賞《第四幕》成品，現場氣氛熱烈，觀眾反應極佳，她分享道：「因為係第一次睇《第四幕》，仲要係同紐約嘅觀眾一齊睇，感受到大家笑嘅位置，覺得整個過程好有趣。」
《第四幕》由香港特別行政區政府文化體育及旅遊局轄下文創產業發展處、香港電影發展局及香港電影發展基金資助，為「薪火相傳計劃」下的重點作品。電影以獨特的結構探討劇場與人生的深層課題，早前在上海國際電影節作為開幕電影首映時已累積極佳口碑，三場放映全場爆滿。今次遠赴紐約參展再下一城，再次展現出香港新生代電影人邁向國際舞台的強勁實力。
