VIVA舞林大會「考牌」 ValC熟人面前跳唱勁緊張
香港文匯報訊（記者 余雁）女團VIVA日前獲邀出席大型街舞比賽，現場逼滿不少專業舞者，氣氛熱鬧。由於能在舞者雲集的地方表演，VIVA都格外興奮。
VIVA當日跳唱《BABY Savage》及《FOMO》兩首歌，現場觀眾反應非常熱烈，還跟着一齊大合唱。成員Ada指，看到現場這麼多專業舞者，排練時已經很大壓力，不斷想怎樣才能將能量及感染力傳給觀眾。但一上到台便拋開一切享受歡呼聲；而成員Macy就自爆表演前兩日不小心拗柴，幸好獲安排物理治療師幫她固定腳腕。雖然負傷上陣，但她跟隊友們都話完show後覺得不夠喉，好想再跳多次。
隊中跳舞擔當ValC則坦言緊張，因她入行前是舞蹈員，現場有很多舞界前輩及舞者朋友都在台下看表演，「今次其實係我第一次喺咁多跳舞朋友面前跳唱自己嘅歌！平時佢哋見到我跳舞多，但冇見過我唱歌，所以真係超緊張！」表演過後，她坦言十分後悔，「後悔冇認真咁望實佢哋每一個人隻眼去跳。因為有八成嘅人都係我認識嘅，所以有少少唔敢望住啲觀眾對眼，但係我平時係超級無敵enjoy做呢樣嘢。但係general我覺得因為我知道成個台側邊都係啲我認識、同埋好愛跳舞、同埋好愛我嘅人，所以我就覺得個台好溫暖，成個感覺真係好似喺屋企人面前表演咁樣。」
