英皇群星撐Beach Club開幕活動 關智斌欲辦粉絲「爆汗特訓班」
香港文匯報訊（記者 子棠）英皇集團副主席楊政龍（Alex）日前聯同旗下藝人關智斌（Kenny）、陳家樂、海兒、楊天宇、何佩瑜和VIVA成員Carina，出席期間限定「Soho Beach Club at The Pulse」開幕活動，搶先現身預覽場地及在無敵海景與強勁節拍下打卡。Alex預告將陸續有更多重磅音樂派對陣容、多元娛樂活動以及限時主題餐飲體驗，他說：「香港一直缺少一個真正的Beach Club標誌性地標。今次我們與Soho House強強聯手，帶來規模更盛大、內容更精彩的全新升級體驗，期盼藉此為淺水灣注入全新活力，吸引更多海內外旅客，家庭及年輕客群到訪。」
Kenny看到現場漂亮美景，瞬間激發新意念，欲辦粉絲「爆汗特訓班」：「近排太忙未有機會放假旅行。不如索性喺度舉辦個『斌菲特訓運動班』Summer Beach Club 派對！作為運動狂人，我一定會邀請粉絲一齊嚟個小型運動challenges，同大家一齊爆汗操fit迎接summer。」楊天宇聞言即大膽向師兄「挑機」：「Kenny搞體能特訓點可以少得我，我平時操得咁辛苦，正好可以同大家一齊battle吓；操完爆汗之後還想試吓冰浴體驗，絕對係男士們嘅終極挑戰！ 」Carina也興奮和應：「我想力邀Kenny同VIVA組成夏日小隊出首合唱歌，再去呢度舉行戶外場地快閃表演。」
陳家樂自封「陪玩專員」
陳家樂近日開拍新片《一九七一》，但女兒永遠放第一位的他自封「陪玩專員」：「囡囡上星期生日，我哋原先想帶佢去海灘玩水，但因為落雨無奈取消。呢度超啱一家大細度假，小朋友可以玩泡泡、充氣樂園，仲可以落沙灘玩沙，我當之無愧負責陪玩啦。至於太太（連詩雅）就可以喺粉紅打卡Poolside bar食嘢傾偈，減吓湊女同工作壓力。」隨即他更笑問Alex可否給他一個「暖男包場價」。海兒更讚嘆恍如是「港版峇里島」，而近來熱衷研究健康飲食及曬太陽的何佩瑜則對冰浴躍躍欲試。
