草蜢再登台北大巨蛋 遇舞台意外臨危不亂
香港文匯報訊（記者 子棠）組合草蜢日前在台北大巨蛋擔任「職棒明星賽」壓軸表演嘉賓，一口氣跳唱4首經典金曲炒熱氣氛。雖然演出第一首歌期間，耳機突然失靈，聽不到音樂，但3位成員蔡一智、蔡一傑及蘇志威憑着豐富舞台經驗和超強默契淡定順利完成表演。蔡一智笑談當時的臨危不亂：「好彩以前我哋周遊列國做過大大小小各樣演出，有少少意外難唔到我哋，唔係咩叫『老的辣』！」
隨後，草蜢演唱時再獲全場5萬名觀眾亮起手機燈，整個大巨蛋瞬間化作璀璨燈海，畫面震撼。蔡一智感動說：「草蜢有機會一定要嚟大巨蛋開Show，感受到全場人一齊唱嘅震撼，着晒手機燈嘅時候，我好似去咗南極睇滿天星，好靚、好溫暖，多謝大家畀我哋嘅掌聲，我非常享受！」蔡一傑笑言：「我哋跑咗成個大巨蛋一圈，好開心可以感受到大巨蛋每一個角落，所有粉絲嘅力量！」蘇志威亦謂：「聽到5萬人嘅歡呼聲真係好開心，嗰個震撼力真係好犀利！」
今次是草蜢連續兩星期兩度登上台北大巨蛋舞台，創下組合演出紀錄。他們透露返港後會全力投入籌備新碟、新歌錄音等工作，同時為8月29日及30日的馬來西亞演唱會做準備。
