廖偉雄大馬開餐館堅持真材實料
香港文匯報訊（記者 梁靜儀）林映暉（暉哥）與米芝蓮大廚陳國強早前到新加坡和馬來西亞拍攝飲食節目《美食新聞報道》「大廚發辦星馬篇」。二人來到大馬蕉賴（Cheras），該處以美食及夜市聞名，而移居大馬多年、人稱「阿燦」的藝人廖偉雄，亦在此處開設餐館，標榜港式美食，同時憑一味叉燒封神。
二人一早來到阿燦的餐廳，門口已有不少慕名光顧的食客等候。陳師傅先點了兩碗魚蛋麵，他說︰「魚蛋每日由人手打成，用嘅係當地西刀魚，做到鮮甜、彈牙。」隨後，阿燦登場，他特地用港式粗獷手法出菜，將兩碗魚蛋麵「投放」在枱上，他笑說︰「知道係你哋嚟，製造下效果學下香港啲大排檔出菜。喺大馬唔得㗎，要好斯文兩隻手放低碗麵。」
阿燦講到當初一開始經營，便跟拍檔有共識，魚蛋要真材實料，不添加防腐物質，所以不能擺放超過三日。來到阿燦主場，不能不試「燦神叉燒」，陳師傅拆解此道菜美味的秘訣︰「呢度嘅叉燒係用腩肉，唔係香港用開嘅梅頭，食落有層次感，有肥有瘦鬆化又軟。仲食返我年輕時叉燒嘅味道，有肉香味、醬香味，唔似𠵱家嗰啲放咗好多調味料。」阿燦亦憑此道菜在大馬封神。
