英皇藝人聯手驚喜慶生 霍汶希生日派錢 楊受成「路過」互動
香港文匯報訊（記者 阿祖）英皇娛樂集團行政總裁霍汶希（Mani）前日生日，一向愛錫旗下藝人的她，今次被公司上下聯手反過來給驚喜。曾比特、湯怡、楊天宇、李靖筠、曾傲棐、海兒、黃明德、劉若寶及一班同事秘密籌備派對，等Mani開完會返公司即場送上驚喜。
Mani一踏入公司門口，曾比特便即刻拿着結他跟黃明德合體自彈自唱生日歌，最後帶領全公司大合唱。楊天宇向Mani笑着自爆：「我買咗生日禮物畀你，但係唔記得帶擺咗喺屋企。」Mani聽罷即追着楊天宇大叫：「拎個銀包出嚟，唔該。」場面搞笑。至於開餅店的湯怡就親手製作蛋糕送給Mani。切蛋糕許願時，Mani就將願望送給大家：「祝各位所有藝人都大紅大紫、工作順利。」
影完大合照後，向來跟藝人同事打成一片的Mani即時自動波話：「拎個電話出嚟搶利是。」全場瘋狂歡呼。不過因為並非所有同事都在同一個群組，最後決定改為派實體利是，同事們都乖乖排隊等拎利是，氣氛熾熱。派利是期間，Mani不禁笑說：「點解無端端變咗新年嘅？點解生日會係我派錢嘅？」由於事前完全未有準備，手上的利是派完後，Mani霸氣說：「派現金。」豈料連現金都不夠，她邊摷袋邊抱頭問：「有冇人有現金呀？」引來全場爆笑，不過她即刻補充道：「大家記住，唔係講錢嘅問題，係Lucky Money。攞到Lucky Money就大紅大紫、身體健康、事事如意、要乜有乜！」
楊受成幽默向霍汶希「追舊賬」
正當大家玩得開心之際，英皇集團主席楊受成剛好「路過」，楊受成即裝兇問Mani：「你好大膽喎！生日都唔請我！」Mani無奈回應：「唔係呀，我唔知道佢哋surprise我呀，我招架唔住啦，攞晒啲錢出嚟派啦。」楊受成見狀即刻問：「使唔使要錢呀？」更即時摷袋準備出手，非常豪氣。之後二人先合照，Mani邊拿着利是邊跟楊受成說：「老闆，今日嚟講，我三十三年一直都搶你啲錢啦，我今日個個都派咗一封大家都大吉大利嘅生日利是，祝你身體健康、事事如意、生意興隆！」然後便親手遞上利是給楊受成。楊受成接過利是就搞笑說：「可唔可以補償返我三十幾年嚟你呃我啲錢呢？多謝。生日快樂！」隨後，楊老闆跟其他人閒談期間，Mani突然問他：「咦，你諗住畀利是我嗎？」全場即刻大笑兼拍手，向來有求必應的楊受成二話不說即時從褲袋拿出利是，場面溫馨又搞笑。
