關鍵階段飲恨 哈利卡尼未言退
英格蘭今屆世界盃四強出局，自1998年以來，7次世界盃淘汰賽面對世界排名前10球隊全部敗陣！連續兩場「食白果」的隊長哈利卡尼坦言，英格蘭敗在領先後太過保守，不過這名將滿32歲的中鋒強調自己尚未考慮退出國家隊，認為自己仍有力為英格蘭作出貢獻。
繼2018年世界盃四強、2020歐洲國家盃決賽、2022年世界盃八強及2024歐洲國家盃決賽後，英格蘭今屆世界盃再次於大賽關鍵階段飲恨，全部賽事均有參與的哈利卡尼，始終與冠軍無緣：「我哋一直講已經好接近，真係好接近，可惜都係差最後一步。英格蘭頭60分鐘掌控咗比賽節奏，不過領先後無法保持控球、無法向對手施壓，畀對方創造太多攻勢。喺呢個級別嘅比賽，只想守住一球優勢並唔足夠！」
雖然下屆世界盃將年屆36歲，但哈利卡尼認為現階段談論是否從國家隊退役仍言之尚早：「我選擇一年一年觀察再作決定，國家隊係我嘅驕傲同快樂，我嘅最熱愛，睇住美斯到今時今日仍然可以踢出最高水平，我亦唔會因為年齡為自己設限。」
