波仔記車仔麵
在灣仔想食得平靚正，可以試試波仔記車仔麵。這間舖開在鵝頸街市的熟食中心，環境乾淨企理，冷氣好勁，仲有免費WiFi，用餐體驗都幾舒適。價錢方面，40元就可以食到一麵三餸，老闆強調自家的分量好大，女士們點三餸就完全足夠啦。慳妹自然聽勸，點了米線、魚餅、豬紅和魚蛋，因為夏天想食得清淡點，就沒有加腩汁。熱辣辣的車仔麵端上桌，果然滿滿一大碗。魚餅一定要點，外皮煎得焦香，內裏煙韌彈牙，細嚼好似有活魚在嘴裏打交咁，一食就知是真材實料！魚蛋個頭堪比雞蛋，味道不錯。豬紅切成厚厚的方塊，數量不少，過足嘴癮。如果你不加腩汁，味道就稍有些淡了，不過還是能嘗到湯底的牛油味。40元食餐好，性價比真係無得輸，慳番錢去展覽買自己鍾意嘅嘢啦！
