大埔冠軍班主 播下青訓種子
黃金5年後 領軍最後一季
5年前，葉志雄與太太葉吳彬彬在好友邀請下，踏入足球圈。港超球隊大埔在這對「不懂足球」的夫婦管理下，不僅奪得聯賽、足總盃及高級組銀牌冠軍，更在亞冠賽場踢出成績。兩人決意功成身退，於下季完結後把管理權交還大埔體育會。他們最想留下的，是一套屬於大埔的青訓種子。
從摸索期到聯賽冠軍，再到亞洲賽場，葉志雄直言一切都來得難以置信。2024/2025球季，大埔戲劇性封王，時隔6年再奪聯賽冠軍；緊接的2025/2026球季，球隊又在高級組銀牌和足總盃奪冠，成為「雙冠王」，連續兩季取得亞冠2資格。「最開心係睇到有大埔球員入選港隊，或者藉大埔登上更大舞台。」夫婦二人5年來投入班費高達6至7千萬港元——上季班費超過1,500萬，是地區球會近季新高。
這對夫婦從未把球隊視為有回報的投資。葉志雄強調，管理層全為義工，所有投入都用在球員及教練身上，沒有任何行政開支。對於外界質疑大埔在轉會市場「賺錢放人」，葉志雄夫婦亦澄清：「我哋絕對冇賣球員，一毫子都冇收！好似家長見到小朋友有好出路，一定會放手。」
下季後交還大埔體育會
看着大埔由升班馬蛻變成爭標勁旅，葉志雄夫婦認為是時候功成身退，決定在下季後把管理權交還大埔體育會：「我哋唔係住喺大埔，亦唔係喺大埔長大，甚至管理團隊全部都住喺港島區。始終大埔體育會同地區關係更緊密，交番畀佢哋去做地區發展最適合；咁多年來，我哋能力範圍內可以做嘅都已經做晒。」
大埔來季「大換血」，多達17人離隊，葉志雄夫婦強調仍會全力支持球隊，確保亞冠及聯賽競爭力：「我哋有人離隊，亦會有新球員加盟。球隊方針係以老帶新，同時維持一定競爭力。」
葉志雄希望在淡出前為大埔培養更多有潛力的新星，已啟動全球青訓招募，目標鎖定17至22歲的潛力球員，建立人才庫。現時已收到五六十個球員查詢：「佢哋一開始會隨一隊訓練、參加U22賽事；如果獲得教練認可，會喺亞冠比賽有一啲上陣時間。我哋希望喺大埔種下種子，試試一個青訓新模式。」
