沈震軒演音樂劇 唔夠氣都要頂住
沈震軒（Sammy）近日挑戰入行以來首個獨腳戲兼沉浸式舞台音樂劇，Sammy需要全場一個人獨唱足足17首歌，更要跟觀眾近距離交流，絕對是演技跟體能的大考驗。
Sammy指自己本身已經是音樂劇發燒友，而且十分喜歡Live Band的感覺，「這種形式的劇場香港比較少有，希望可以帶動多啲呢個新體驗畀香港觀眾，甚至乎可以去遠啲、去唔同嘅地方演出。」
講到蝦碌事，Sammy謂第一場演出差點攞命，「我第一場表演嘅時候真係用盡晒所有嘅力，放晒出嚟去做，之後發覺去到一啲位要唱歌跳舞嘅時候唔夠氣，但見到現場氣氛推到好高，所以要頂埋落去。」他指經過該次經驗，之後要重新練氣。
雖然過程辛苦，但Sammy話今次演出令他有全新體會，「我幾想轉為一個舞台劇演員，真係幾好玩。」能夠同時間做現場唱歌表演及演戲，令他發現原來自己終極最想做的可能是音樂舞台劇演員。
