插水罪人 安保路獲團隊支持
瑞士在昨役一度於扳平後佔得上風，但卻因為比列安保路無故「插水」博罰球，最終被VAR介入，並按新例「改判」，安保路結果要再領一面黃牌而被逐。瑞士自此氣勢由盛轉衰，最終被淘汰。
賽後，安保路在沒有必要下的「插水」行為，自然受到了猛烈批評。不過瑞士主帥耶堅卻選擇力撐自己的愛徒：「我哋因為一條喺我角度嚟睇，完全唔可以接受嘅新規則而受到懲罰，呢條規則摧毀咗我哋嘅比賽，非常痛苦！以咁嘅方式被淘汰令人難以接受。我嘅隊員至係真正英雄，佢哋傾注全部心血同激情，我為瑞士全體球員感到驕傲。」
瑞士隊長格列沙加賽後亦表示對判罰感到失望：「我哋原本好有機會，但嗰張紅牌改變咗比賽，好難接受咁嘅判罰，更衣室一片寂靜，大家都好失望。」
