劉德華登啟德「遊車河」 鄭秀文 連番答謝觀眾包容
鄭秀文（Sammi）原定前日起於啟德主場館舉行一連三場《You & Mi 鄭秀文演唱會2026亞洲巡迴終點站－香港啟德主場館》，日前因主辦方宣布舞台部件發生故障並有安全隱憂需要延期舉行，為了彌補已購票的觀眾，Sammi在相同場地舉行3場「答謝會」。「答謝會」前晚開鑼，劉德華擔任表演嘉賓，掀起《瘦身男女》回憶殺。而「答謝會」回歸最原始，採用人力小黃車巡遊，全晚Sammi也連番感謝觀眾的包容。●香港文匯報記者 余雁
一開場，Sammi與40位Dancers霸氣登場，跳唱《叮噹》和《Chotto等等》揭開序幕，她興奮表示想感受全場近四萬人歡呼的震撼，觀眾聽話齊聲大嗌「Sammi」。她說：「今晚顧名思義由演唱會變做『答謝會』，雖然可能令你有啲失望，但我應承大家，呢個『答謝會』絕對唔會hea做！睇完包你開開心心、心滿意足！」她鞠躬感謝觀眾訂機票、酒店來捧場，承諾會以有限資源，盡心做最好的演出。說：「舞台再大，都大唔過今晚你哋嘅愛同包容，多謝！」
Sammi唱《默契》後介紹嘉賓出場，最初她賣關子，說：「有個朋友本來話第一晚嚟睇騷，我就忽發奇想不如嚟做嘉賓，佢一言九鼎就話『好』！發生延期事件，我再問華仔仲會唔會嚟？（掩嘴笑）哎呀，自己爆咗！華仔就話『一定嚟支持』！」華仔升上舞台，全場歡呼，Sammi說：「我嘅肥佬（《瘦身男女》劉德華角色），今晚嚟咗！」華仔說：「企去中間感受吓，我第一次。」Sammi笑說：「一齊feel吓，我都係第一次，大家都係處女下海。」
坐人力小黃車巡遊
他們手拖手走落台登上小黃車，Sammi說：「今晚所有嘢都變成最原始，畀大家感受最原始最真摯嘅設置，麻煩Dancers人力黃包車。」重現《瘦身男女》「朋友號」，勾起全場回憶殺。他們合唱《倒轉地球》和《衝動點唱》，與觀眾近距離接觸，全場High爆。
之後Sammi換了一條紅色裙，首度公開演唱未派台新歌《隕石與地球》，第一時間與粉絲分享全新作品。身形相當健美的她說：「條裙好靚，一試上身就好鍾意，好似條小辣椒！」她還展示手瓜肌肉，全場「嘩」聲四起。之後她演唱《缺席》、《Let go》，繼而全場大合唱《我們都是這樣長大的》。
穿着白色小背心的Sammi出場打碟，與40位Dancers開始連續接近十分鐘熱舞Medley環節，《煞科》《獨家試唱》《螢光粉紅》《星秀傳說》，接着與歌手KALAI演唱《信者得愛》，觀眾一齊舉手吶喊「High High High」！
安歌聲之下，Sammi穿上紅色小花點綴的白色巨型傘裙出場演唱《終身美麗》，唱到最後一句，Sammi再表示衷心感謝觀眾的包容和支持。她更溫馨提示觀眾保留門票，說：「keep好張飛，留返睇一個真正嘅演唱會。唔好到時話唔見咗張飛，我真係幫唔到你。」她又稱「答謝會」是前奏，真正的演唱會將更豐富、更大製作，令人期待。
寰亞集團老闆林建岳前晚到後台為Sammi打氣，Sammi好友鍾楚紅、甘比、寰亞小師弟Lester亦在觀眾席捧場。
