關楚耀出戰國際匹克球賽事奪銀牌
香港文匯報訊（記者 子棠）關楚耀（Kelvin）近年熱衷於新興運動匹克球，不僅投資開設場館做老闆，更考獲教練牌親自教波。早前，他與拍檔Hugo齊齊到外地出戰國際大型賽事PPA Tour Asia2026的男子雙人賽並勇奪銀牌，Kelvin興奮得在全場狂奔狂叫！
Kelvin直言這個比賽是一次對自己的全新挑戰，因上一次真正代表學校去籌備及參加比賽，已經要數到小學和中學時期，今次參賽令他找回以前與隊友一齊備戰的熱血心情。他稱早在兩三個月前看到賽事開放報名，馬上與拍檔Hugo商量，實行「寓工作於娛樂」，當作一齊去旅行兼打波。雖然帶着放鬆的心情出發，但團隊對待賽事絕不馬虎，Kelvin透露：「呢幾個月我哋加強咗好多體能訓練，亦搵咗好多打得好好嘅朋友一齊練波、教咗我哋好多嘢，仲好感謝自己匹克球公司嘅全力支持。」
第一次參加海外賽事便成功奪銀，Kelvin 直言非常幸運，而其中一個最大的動力，莫過於太太愛相隨的支持。他甜蜜說：「最緊要太太都喺身邊支持，佢真係我嘅『幸運女神』！由練波開始一路都好支持我，到正式參賽，佢全程好有心咁幫我拍好多片、影好多相。得到好成績，真係非常非常之開心！」作為匹克球專家兼場館老闆，Kelvin亦趁機向大眾大力推薦這項運動，大讚匹克球男女老幼都非常適合，而且有益身心：「最緊要係令大家都開心！打波嘅時候，你會忘記晒所有煩惱，專注喺當下同朋友嘅交流。呢個係一個非常有效、令你放低電話嘅方法，可以令腦部休息，令身體各器官嘅精神再次甦醒！」
完成今次的凱旋之旅後，Kelvin未有停下腳步，隨即投入無綫新劇《模範律師團》拍攝工作，近日更是香港、內地兩邊走。雖然行程緊密，但Kelvin透露其實一直以來手都有傷患，他會趁着拍劇的空檔期間積極進行物理治療，專注在身體復元方面，務求以最佳狀態繼續應付幕前工作與球場上的挑戰。
