未有信心脫衣晒肌 張天賦強調沒偷食
香港文匯報訊（記者 子棠）MC張天賦前晚舉行的第二場《E=MC2演唱會2026》，邀來Gordon Flanders擔任嘉賓。二人合唱後，話題更扯到MC為演唱會準備的「地獄餐單」上，MC大呻減足15磅仍不敢騷肌，只可以做到露臂！
原本Gordon Flanders祝MC早日順利做完演唱會，可以大吃大喝，並自言自己也體驗過MC的減肥餐，食到第三日已經想嘔，懷疑MC期間冇可能冇偷食！MC就笑言今次真的非常節制，對着觀眾大大聲講：「冇呀，冇！」他又分享自己的極速修身秘方：「我日日就係400g蘆筍、400g肉，100g士多啤梨，兩隻蛋，冇啦！」這個餐單令MC減了15磅，內臟脂肪指數更由「6點幾」暴跌至「4」，但MC仍無奈表示，「我其實好想借呢個演唱會除衫，真係嘅！我見到其他歌手話好嚴峻咁減3個月就搞掂，但係真係唔係咁簡單囉！我仍然係無信心除衫，開場露手臂，我覺得已經係最大嘅尺度㗎啦！」全場歌迷隨即起鬨高呼「除衫」，他即苦笑耍手擰頭，場面搞笑。
