因王心慰「復出」拍劇 羅冠蘭嘆被新監製「忽視」
香港文匯報訊（記者 梁靜儀）無綫劇集《非份之罪》自開播以來叫好又叫座，而即將播出的第三及第四單元「一億殺機」及「危險遊戲 」的一眾演員包括羅冠蘭、吳偉豪、胡敏芝、徐榮、施焯日、林秀怡及韋家雄等，昨日出席宣傳活動。久未演出劇集的羅冠蘭，表示今次打動到她演出，除了劇本觸動到她外，還有因為監製是王心慰（Amy姐）的關係：「我真係忘記唔到喺《烈火雄心》中演嘅群姐，呢套劇都係Amy姐監製。」羅冠蘭又笑言今次她最開心的是飾演嫌疑犯，有機會穿囚犯衫。
《非份之罪》是Amy姐在無綫的告別作，羅冠蘭表示不捨，並曾游說對方可以一兩年監製一部，但可惜感動不到對方。問她是否仍有戲癮？羅冠蘭說：「拍劇係有趣，但𠵱家多數單機拍攝，運作同以前三機拍攝唔同，以前拍攝有點接近電影，係逐個頭去拍，演員角度當然係一氣呵成直落拍好玩啲，呢個係技術上問題。加上𠵱家啲監製好年輕，真係冇人知有我嗰人存在。如果有人搵，劇本又好玩，我諗都會拍。」她又稱之前都有追看佘詩曼主演的法庭劇《正義女神》。
導演演員溝通要有禮貌
對於同劇的盧宛茵（Madam）自爆當年拍攝時被導演質疑演技，羅冠蘭表示若演出時有意見都會討論一下，但認為要有禮貌：「我要了解對方有呢個要求，係我做得唔好，定係要遷就鏡頭，或係佢個人因素，我唔會唔聽，其實我係幾聽導演話嘅演員。我了解導演有自己一個計劃，我會盡可能配合，但如果係冇理由，甚至責罵，我覺得禮貌同尊重都係一個基本，不論係前輩、同輩或後輩，都應該禮貌啲。如果係好惡意對我，我都會了解咗要求先，如果係合理我都會做，但如果太過分，就會搵監製來傾。」她又認為今次事件奇怪：「以Madam做咗幾十年戲嘅資歷，做戲嘅年份同導演個年紀差唔多，我懷疑未必係Madam演戲出咗問題，可能係導演唔知點解用咁嘅方法，我聽Madam講同睇報道，佢哋事前都唔係溝通，一嚟就畀說話佢聽，反而導演要考慮一吓自己嘅溝通方法。」
