埃及將帥 怒轟球證執法不公
阿根廷在對埃及16強上演「讓2追3」逆轉，落敗的埃及對球證執法深深不忿，將帥賽後均指控球隊遭受不公正待遇，埃及足總亦已向國際足協提出投訴。今場執法球證為來自法國的拿迪斯，其爭議判決主要在下半場出現，最終阿根廷更立即憑反擊取得致勝入球。
埃及主帥哈辛在球隊被反先後，已立即向拿迪斯作出激烈投訴，賽後這位老帥更怒批球隊遭受不公正待遇：「今場比賽結果遠遠超出咗失利本身，因為我哋睇唔到尊重同公平競賽。我無法接受呢個結果……我向你哋保證，由返去嗰一刻起，我唔會再睇今屆世界盃任何一場比賽。」
至於曾助埃及領先至2:0的穆斯塔法薛高，賽後更暗指阿根廷獲得幫助：「球證偏袒顯而易見，佢由開賽後已經睇到唔想埃及贏波，我喺呢度先恭喜阿根廷，佢哋似乎又會攞冠軍啦。」
