養傷半年 馬連奴為妻兒奮戰
西班牙昨晨遲遲未能打破悶局，直至85分鐘，主帥富安迪調入30歲的阿仙奴攻擊手米基爾馬連奴，此子不負所託，落場僅6分鐘即接應費倫托利斯直線妙傳，為西班牙射入全場唯一入球。
司職中場的米基爾馬連奴，前年加盟阿仙奴後經常被安排客串前鋒，令他練成出色的埋門能力。他在去年世盃外圍賽表現出色，但今年初右腳遭遇骨折，動手術後養傷半年，未能出席歐聯決賽。不過，富安迪仍然等候他傷癒並召入決賽周大軍。富安迪說：「馬連奴表現一向可靠，兩年前已協助我哋贏得歐國盃，我知道外界對佢嘅評價普通，但實情佢係卓越嘅球員，希望外界能給予佢應有嘅評價。」
至於馬連奴本人，賽後亦得到釋放：「年初受傷時，我連上樓梯都要懷孕嘅妻子攙扶，到孩子出世，我依家又未能夠陪伴，亦未能照顧太太。目前能夠做嘅，只有將對教練嘅感激、同對家人嘅思念轉化成動力，發揮自己最佳水準踢好比賽。」
