比利時踢爭氣波炒美國
未受「巴路官事件」影響
雖然有獲國際足協「緩刑」紅牌的首席射手巴路官壓陣，但今屆主辦國之一的美國，昨晨在16強戰卻表現失準，以1:4大敗於比利時腳下。結果美國步加拿大及墨西哥後塵出局，3支主辦國全數畢業。
今仗賽前出現重大爭議，在對波斯尼亞被罰紅牌的巴路官，意外獲國際足協改判「緩刑」不用停賽，事件引起比利時及外界的強烈不滿。在投訴無果下，比利時只能以表現說話，上半場僅9分鐘已由基迪拿尼先開紀錄。落後的美國31分鐘雖由馬歷堤曼射入罰球扳平，但比利時兩分鐘後即由基迪拿尼頂入再度領先。下半場比利時依然控制大局，並由雲拿根和盧卡古各建一功，輕勝4:1晉身八強。
巴路官賽後成為被追訪對象，這位25歲前鋒說：「我尊重國際足協官方流程，對於幕後交涉同具體處理流程一無所知。作為職業球員，喺球場上被出示紅牌時，我遵守判罰，當被通知獲准出場時，同樣要接受。我始終專注於球場，場外風波與本人無關。」美國主帥普捷天奴，賽後亦顯得十分無奈：「國際足協已經向所有人解釋咗，我係主教練，如果官方允許你喺比賽中用多一名球員，我點解唔派佢上場？」
比利時主帥加西亞表示：「我冇同球員講巴路官嘅事，亦冇利用呢件事進行賽前動員，只重視我哋嘅比賽計劃。」中場盧克巴基奧亦揚言選擇以足球說話：「我哋都唔知點解佢可以落場，唯一可以做嘅只係保持專注。如果帶住『唔公平』嘅諗法比賽，絕對唔會有咁好結果，我哋必須喺球場上用足球作出回應！」
盧卡古連續3場後備入波
33歲中鋒盧卡古，今仗在67分鐘才後備入替，結果在補時3分鐘建功，為比利時埋齋。今屆因傷患困擾淪為替補的盧卡古，接連於分組賽最後一仗對新西蘭、32強對塞內加爾及今仗16強對美國，都以後備身份取得入球，成為世界盃決賽周史上，首位單屆連續3場後備入替入波球員。盧卡古說：「先坐喺後備席有時間觀察對手布陣同習慣，到落場時就可以作出應對同攻擊對手弱點。」據統計，盧卡古至今為比利時上陣131次射入93球，場均入球達0.71，比起當代兩大球王美斯及C朗更高。
