圈中好友齊賀牛一 谷婭溦獻歌籲愛自己
香港文匯報訊（記者 子棠）谷婭溦（Vivian）前晚舉行生日音樂派對「Vi & We谷婭溦生日音樂會」，與粉絲一同預祝本月8日的生辰，及答謝大家多年的支持。一眾圈中好友也現身支持，包括朱晨麗、莫家淦、黃建東、張佳添、劉洋、崔建邦、杜詠心等；而羅天宇和周志康則擔任演唱嘉賓。
Vivian連唱多首歌曲揭幕後，她說出今晚主題、並坦率謂：「Vi & We，Vi即係我，而We就係在場嘅每一位，希望今晚都可以成為你哋嘅難忘回憶。我講嘢真係唔叻，我知道現場嘅每一位都陪伴咗我好耐，你哋講過嘅每一句話，每一個留言我都有睇同埋聽。」Vivian希望大家透過音樂，認識真正的自己。當晚她更首度現場演繹親自填詞的全新普通話歌《愛自己啊》，憑歌寄意叮囑所有支持者一定要愛自己。
嘉賓環節中，羅天宇和周志康先後與Vivian合唱，周志康於唱畢後指：「溦溦係我嘅好兄弟，我哋經常一齊工作，大家都係追夢之人，我好佩服佢克服語言障礙嚟到香港追夢，呢樣嘢真係好難，每次見到佢好努力咁去學習粵語，我覺得好犀利。」 Vivian亦不忘為好兄弟打氣：「佢唱歌好好聽，大家一定要喺《中年好聲音4》支持佢呀！」隨後在情緒高漲的快歌環節中，兩位嘉賓更一齊向壽星女送上蛋糕，並由全場粉絲大合唱生日歌，為Vivian送上最溫暖最窩心的祝福。
