祖達忌辰 隊友為第27人而戰
今場葡克大戰除了是傳奇對決，同時亦是葡萄牙前鋒迪亞高祖達逝世一周年。葡萄牙領隊羅拔圖馬天尼斯在公布決賽周26人名單時，聲明今次點兵人數是「26+1」，祖達以榮譽成員身份成為葡軍第27人。
祖達於去年7月3日凌晨因車禍離世，今屆32強淘汰賽共分6天上演，偏偏葡萄牙的比賽就在祖達忌辰正日。眾球員都確信，冥冥中注定祖達會「駕臨」球場與他們同在，一眾戰將都聲稱會為祖達而奮戰。
祖達的家人也到了加拿大觀看比賽，馬天尼斯說：「我唔認為呢個紀念日係煎熬，反而更似係一場慶祝！我相信今場波係紀念一個值得珍惜嘅戰友，喺球隊中建立一切嘅時刻，我哋都決心為佢贏得世界盃！」同祖達關係親如兄弟的中場魯賓尼維斯說：「直到今日，我哋一直保持聯繫。好少人知道，我哋有一個WhatsApp群組，每當有特別事發生，我都會喺群組發訊息話畀佢知！」魯賓尼維斯仲相信，祖達今場波會為球隊帶來特殊力量。
