的哥放珍寶珠任食 網民勁like讚有心
近年的士業界費盡心思提升服務質素吸客。近日就有女乘客在網上分享窩心經歷，提到早前乘的士時，發現車內竟放有大袋珍寶珠糖果免費任食，同時還備有嘔吐袋和便利雨褸供客使用，驚喜之餘不禁高呼「真心要讚爆呀」。帖文吸引大批網民畀like，大讚的哥「好有心」、「浪漫」又「Sweet（甜蜜）」，富有善心之餘，「勁有職業操守」。
有的士女乘客日前在社交平台Threads發帖分享一次開心的乘車體驗，指早前乘的士發現前排座位椅背掛有大袋不同口味的珍寶珠，供乘客免費享用。樓主大感驚喜，遂問司機因由，對方回答自兩年前已開始在車廂放珍寶珠，冀讓客人可以「好開心」乘車，還笑言「做人原來開心真係好簡單」。樓主並補充指，司機希望「自己部車好似飛機咁」，故特別在車上放備嘔吐袋和便利雨褸，方便有需要的客人取用。
帖文幾日間已累收逾7,000個讚好，網民紛紛留言讚的哥「好有心」、「一坐上車即刻心情靚靚」、「真係一個幾浪漫嘅司機」。不少人皆大讚司機「善心」，「善事由身邊做起」、「天啊……心存善意就係咁簡單」；另有過來人分享窩心經歷，「我都試過搭的士，落車畀錢時司機遞上一支珍寶珠，話請我食糖，係窩心嘅……苦中一點甜吖嘛」、「我記得有一次唔開心， 一路坐車一路喊，問司機借包紙巾，佢畀咗一盒我」。
行家分享善心人不易做
不過亦有的士司機行家留言指善心人不易做，「我開頭都會（送糖），但自從太多人周圍掉糖紙，左攝右攝……唔該多謝都冇聲，不停攞不停攞，食完之後啲糖紙掉番落個糖袋到，自從嗰日之後我就冇再擺」、「試過有南亞遊客，問我糖果是不是free（免費），我答係，之後全部一粒不剩拎晒」。不少網民則舉一反三證明「仲有好好嘅的士司機」、「其實我最近先被的士司機救番一命，好多司機都係好好嘅」。
