喜獲陌生人送戲飛 網民讚「用得唔好嘥」精神
好人好事從來最受網民歡迎。近日又有女網民發長文，分享在戲院喜獲陌生人送贈戲飛的幸運經歷，指對方因一個人用不上4張門票換領券，便將其中兩張轉贈，樓主原想買飲品小食回禮，但轉頭已不見對方蹤影，故冀發帖致謝並盼對方有緣看見。網民大讚送飛者「好好人呀」、「是電影精靈」，「充分表現了香港人用得唔好嘥嘅精神」。
樓主近日在Threads發帖憶述排隊買飛時，前面有位C兄突轉頭問：「小姐，你係咪諗住睇戲啊？」並解釋他一個人用不上4張換領券，未幾即贈上兩張換領券。樓主趕忙道謝，對方換票後只留下一句「我走先啦，enjoy啊！」樓主換飛後原想買些飲品小食向對方道謝，「點知一轉頭佢已經消失咗」，惟有發帖「尋人」並向對方致謝。
網民大讚送飛者夠窩心，「有心人實在太好了」、「好人好事系列」、「我睇Threads就係要睇呢啲！」另有網民則說「睇開頭仲以為係騙案，呢位師兄好人有好報」、「好有心、本身以為佢想約你睇」非常惹笑。
