陳卓賢反駁抄歌指控
MIRROR成員陳卓賢（Ian）與鍾嘉欣前日（6月30日）出席美容品牌產品發布會活動，吸引數百位粉絲站滿商場中庭數層圍觀。對於其新歌《那抹柔光，名為你》與獨立歌手潘宇謙提前一日面世的國語歌旋律相似，而捲入抄襲風波，Ian即時反駁，「我部電腦裏面，打開任何一個文件夾都有隨時出得嘅歌，不下數百首，我唔覺得要墮落到去抄襲，如果有一日我真係完全冇晒靈感、寫唔到歌，我會寧願退出娛樂圈，或者做一個唱人哋歌嘅歌手，抄襲喺我世界永遠唔會發生！」
Ian本月23日起舉行9場演唱會，他稱近日除了護膚外亦勤力健身練大隻，笑言騷肌在所難免：「到時情緒一到都要嘅，觀眾睇得開心最緊要。」
