為紅館騷地獄式訓練 古天樂預計會練舞
香港文匯報訊（記者 梁靜儀）古天樂（古仔）昨日出席品牌旗艦店開幕，吸引不少粉絲圍觀。擔任剪綵嘉賓的古仔，除了為醒獅點睛外，又送上親筆簽名Cap帽予品牌老闆。
將於8月首度於紅館舉行個人演唱會的古仔，透露為了備戰演唱會，最近跑步練氣。之後他接受訪問時表示，平日除了跑步，也有做掌上壓和舉啞鈴，而跑步就可以練氣，但自己不會跑得太快，因為曾經斷過十字韌帶，笑言「慢跑出細貨」。
提到其演唱會優先訂票昨日開賣，但已火速售罄，古仔笑說：「我都係啱啱先知道賣晒，（會否加場？）唔知，記者會嗰日再講，（若加場體力上能否應付？）OK嘅，因為拍戲都需好大體力，因為係第一次，所以加緊訓練。」
談到他主演的電影《九龍城寨之圍城》入圍百花獎「最佳男主角」初選，問到可有信心再更進一步？他坦言對電影有信心：「呢部都係打片，我都有信心再打上去。」古仔被問到正在拍攝中的《九龍城寨之終章》，他可會在片中現身？他搞笑說：「高度機密嚟喎，（拍攝進度？）都係秘密嚟。」說到他既要準備開演唱會又要拍戲是否很忙？他透露今個星期就開始進行地獄式訓練，下周開完演唱會記招就會閉關。至於是否也要練跳舞？他就說：「我諗點都要嘅！」瘦了很多的古仔表示，跟近日受訓和操肌有關，反而要食得比較多，問到是否有目標？他說：「冇，做運動最緊要有益身心，自己通常喺室內跑步，上兩個禮拜落雨都未停過，落雨落到抑鬱，兩個禮拜冇見過陽光，我唔怕熱㗎。」
另外，曾為電影《尋秦記》活動擔任過司儀工作的施可瑩早前因卵巢癌病逝，古仔坦言感到好突然：「聽到嗰吓個心都沉一沉。」至於演藝人協會是否會出手幫助？身為會長的古仔說：「知道演藝人協會有問過對方的男友，（其身後事及經濟上會否幫忙？）會幫，但唔想講。」
