陳曉華巧妙回應「被分手」 將朱敏瀚降級「同事」
香港文匯報訊（記者 梁靜儀）陳曉華（Hera）與朱敏瀚（朱仔）的緋聞傳出多時，近日男方突然自爆已單身一段時間，並將雙方關係降級為同事，昨日陳曉華現身活動回應分手傳聞時，同樣將男方降到同事身份。
Hera、林淑敏、林秀怡、譚俊彥（Shaun）及梁凱晴等，昨日到電視城出席《掌握健康人生》及《重症解密》記者會，近日盛傳與朱仔分手的Hera面容憔悴現身，她表示因要為節目擔任主持，要記大量醫學專業名詞，所以收工後都會回家睡個美容覺。她自言現在開始着重健康，因自己31歲已開始出現小毛病：「年初發生大件事，喺街上暈倒，血壓70幾，之後有時間就休息養返好身體。」她謂之後有做檢查，但找不到具體病因。
問到當時入院朱仔可有關心她？她說：「好多朋友關心我，（朱仔有冇關心？）朋友有關心，（咁佢係咪朋友？）同事，大家都係同事。（咁你𠵱家係單身？）𠵱家都係自己一個，𠵱家多數喺屋企做宅女。（冇人照顧你？）我好開心自己識照顧自己，𠵱家冇事，好健康，開始注重身體健康，唔會24小時都用來玩或做嘢，有時做完嘢真係要休息，要平衡吓生活。」問到是否已單身一段時間？她答非所問說：「自從暈低後，真係自己休息咗一段時間，同好多人都冇聯絡，但好多人關心我，不過冇乜人知我唔舒服。」
對於朱仔的單身言論，Hera說：「冇睇。」她又透露手機設定了免擾模式，現在常用聯絡人只有經理人及家人，其他人都不能致電她，因想專心休養。對於「同事」單方面講單身，問到Hera會否覺得「被分手」？她說：「冇諗咁多喎，做嘢最緊要。」
