巡演海外首站選新加坡 草蜢特此紀念恩師梅艷芳
香港文匯報訊（記者 梁靜儀）草蜢《GRASSHOPPER THREE IN LOVE CONCERT草蜢演唱會2026》新加坡站日前順利完成，當晚全場爆滿，而巡迴演唱會海外首站選在新加坡，全因為恩師梅艷芳（梅姐）當年第一次帶他們出埠演唱就是新加坡，可謂意義重大，而最驚喜的是當年有入場看梅姐演唱會、見證草蜢1986年首次登台的粉絲，當晚也是座上客。
蔡一智（阿智）在台上說：「我哋草蜢世界巡迴嘅第一站要揀新加坡，因為呢度對我哋三個好有淵源，我哋第一次跟梅姐出埠，就係嚟新加坡！」蔡一傑（傑仔）隨即問：「邊個1986年有嚟睇梅艷芳演唱會？」台下有粉絲舉手，令草蜢十分驚喜。阿智說：「冇梅艷芳就冇草蜢，所以我哋想將呢個舞台獻畀我哋嘅師父梅艷芳，多謝佢當年帶我哋嚟到新加坡認識大家，我哋要搵返我哋嘅初心，多謝你哋支持草蜢40年！」
蘇志威說：「好多謝你哋一知道我哋要嚟開演唱會，第一時間買飛，好早就賣爆晒，多謝你哋嘅支持，為我哋世界巡迴打咗第一支強心針！」當晚觀眾反應非常熱情，完場後樂隊已退場、觀眾席開了燈，但仍不肯離開，大嗌安歌，之後草蜢返上舞台，阿智說：「你哋仲唔走？啲歌真係唱晒啦！」傑仔說：「Band都走晒喎！」阿智說：「我哋下一站去馬來西亞，你哋掛住我哋就嚟啦！」之後他們再唱出一首《暫停·開始過》，並向所有粉絲揮手道別。
