莫迪歷200戰 克羅地亞險勝
昨晨L組第2輪，克羅地亞經過苦戰後，以1:0小勝巴拿馬，打開今屆勝利之門。今仗亦為40歲中場莫迪歷，第200次身披國家隊戰衣出賽，成為繼C朗（230場）、艾穆達華（202場）及美斯（201場）之後史上第4人。
面對巴拿馬的紀律防守及高強度搶逼，克羅地亞今仗踢得艱辛，尤其上半場一直受壓，巴拿馬的荷西洛迪古斯曾經頭槌攻門，被克羅地亞門將利華高域撲到再中楣。「格仔軍」易邊後變陣，調入兩位前鋒卡拉馬歷及安迪布迪美亞，成功搶回主導權，並由布迪美亞於54分鐘奠定勝局。
莫迪歷賽後被隊友連番拋起致敬，克羅地亞足總為他送上特別版「200」號球衣。莫迪歷亦表示為國家隊上陣200場意義重大：「我為此感到無比驕傲同幸福，我要感謝歷任教練同多年來不同隊友，喺佢哋幫助下，令我嘅國家隊生涯變得更有意義。」
