麥巴比起孖 法國「三叉戟」玩晒
除美斯外，法國球星基利安麥巴比昨晨亦告起孖，協助法國於I組3:0大勝伊拉克，同樣兩連勝提早出線。麥巴比在世界盃累積入球也達16個，追平了高路斯紀錄，之後將力追領先他兩球的美斯。
法國前線三叉戟除麥巴比外，尚有奧士文尼迪比利及米高奧利斯，3個入球全由3人合作所得！麥巴比先於14分鐘與奧利斯美妙互傳後，第一時間狂抽遠柱入網；54分鐘，輪到迪比利截得伊拉克門將阿麥巴素爾誤傳，交麥巴比射入第2球；66分鐘奧利斯前場搶逼成功，助攻予迪比利射成3:0。
比賽曾因滂沱大雨，導致暫停超過兩小時，麥巴比賽後說：「今晚好漫長，我哋喺更衣室坐咗接近兩個鐘，要保持精神集中非常困難。追平紀錄同落後緊美斯兩球？美斯之後仲可以繼續入波，不過我唔會太多咁關注佢，專心幫助自己球隊就夠。」
