東鐵列車乘客尖叫狂奔 真相出人意表
近日網傳短片顯示，一班由羅湖開出的東鐵列車駛至大埔墟站時，車廂突傳尖叫聲，有人大叫「走啊」，未幾全車人往車尾狂奔，場面混亂。片段引發熱議，有人懷疑是「斬人」、「打拳頭交」、「車頭有喪屍？」，但真相卻出人意表，令人啼笑皆非。
樓主在Threads發片並指「成班人衝晒過嚟車尾呆咗」，只見乘客擠在一起，緊張地向前望。另有同車乘客發帖問道：「有冇人知頭先東鐵線發生咩事……成班人好驚咁跑上前」其上載相片顯示，車廂散滿破爛紙袋和甩脫的鞋等雜物。網民閱後大表震驚，高呼「恐怖」。
有在場乘客其後公開真相，「突然前面有人叫走呀，向後係咁跑，我老婆跑到仆低咗，差啲人踩人，後尾行返上去搵嘢順便問番，原來係有隻小強（蟑螂）嚇親啲人，我仲以為係斬人」。真相大白惹來網民熱議，「一隻比人類小嘅曱甴，玩到成車人氹氹轉」；有人則建議「麻煩各位如果下次再見到小強唔好咁恐慌，大叫一聲有小強就得，小強好易解決，一腳踩落去就能夠解決」，避免小事觸發大意外。
