與健身教練林俊賢常見面 關智斌力證蔡卓妍新婚甜蜜
關智斌（Kenny）、蔡蕙琪等昨日出席品牌活動。談及蔡卓妍（阿Sa）與新婚老公林俊賢的關係近日再惹揣測，Kenny以「證人」的身份力證阿Sa的婚姻生活甜蜜開心，因他近乎每天都見健身教練林俊賢。 ●香港文匯報記者 梁靜儀
蔡蕙琪與Kenny分享保養心得，坦言有用盡心思保養，但可能因工作忙碌，加上有失眠習慣，大家或未必見到其成效。Kenny安慰她說：「全部女仔都係永遠覺得自己肥咗、皮膚差咗，吹毛求疵。」蔡蕙琪坦言由青春期開始已有皮膚問題。記者問她失眠是否因為《夜王》爆紅後有壓力？她否認道：「我一向工作都有壓力，唔關《夜王》事，我瞓到四五個鐘，不過呢排一時12點瞓一時3點瞓，因為要睇世界盃。」至於Kenny的保養心得是除了做運動外，還會多喝水，一天喝3公升清水。
投訴蔡蕙琪沒練舞
Kenny與蔡蕙琪早前一同學跳鋼管舞後，他笑指對方只顧睇波已沒有練，令他有點生氣，他笑說：「我都有興趣睇世界盃，不過一開波就瞓着，我呢啲Uncle夜晚12點就瞓着。」
Kenny表示下半年將開展巡迴演唱會，由於早前忙於公司周年演唱會，因此內地巡唱延至下半年才舉行，至於香港站方面則尚未確定，希望做到盡善盡美，更長期要保持狀態不能鬆懈，他說：「加上之前參加HYROX比賽，三年前得幾千人參加，現在有一兩萬，本來以為有機會上台攞獎，變咗成年都保持狀態。」至於新歌方面，Kenny笑指以前公司會逼他一年要做幾首歌，但現在有好大自由度，可以自己決定，但他就一直拖延，半年都未出到一首歌，所以有自由度有好有壞，所以現時會盡快開Turbo做多些作品。
談到早前容祖兒生日，阿Sa的新婚老公、健身教練林俊賢未見蹤影，Kenny被問及阿Sa婚姻狀況時，他說：「交返畀佢講，好不實囉。我作為朋友睇到真係得啖笑！唔係一定要鋪出嚟至代表乜嘢，係咪因為唔抵得佢哋咁甜？我基本上日日都見，因為佢（林俊賢）係我教練，總之佢哋好開心。」
另外，蔡蕙琪憑《夜王》「葵芳」一角人氣急升，她坦言尚未有電影接洽，之後會先做回老本行，演出舞台劇：「七八月都有舞台劇，係自己離開劇團後第一次以自由身去接。」她又透露已簽約經理人公司，但要稍後才正式公布。
