丈夫屢被好友召喚深夜飲酒 何依婷出馬化身婚姻調解員
香港文匯報訊（記者 阿祖）TVB綜藝節目《夫妻肺片》的「星級人夫人妻」最新一集嘉賓邀來何依婷、莊思敏、支嚳儀（支支），以及周吉佩（吉吉）與譚輝智，分成男、女子組，就「天使與魔鬼前度」及「成班男人出去玩」兩大話題展開熱烈討論。
女子組對前度的回憶非常兩極，既有暖心舉動，也有令人咋舌的超渣行為。當中以何依婷最爆，她透露曾於提出分手後遭前度追討「掟包費」，令全場女子即時齊聲：「吓？」莊思敏好奇追問：「佢係咪想用呢個數留住你？」依婷聞言回應：「但女人聽到呢吓就會着火咯！跟住我冇咁多現金嘛，我走去間房（事發地點是依婷家）攞本支票簿出嚟，嗰個係一個2萬6千蚊嘅手袋，我寫咗3萬蚊畀佢，話唔使找，你即刻同我走。」依婷的霸氣表現，贏得支支「尊敬眼神」並說：「你好型呀！」
周吉佩憂妻被朋友帶壞
「夫妻互片」環節探討何謂「豬朋狗友」。男子組的吉吉認為若老婆閨蜜已婚後還「搞三搞四」，就不配做朋友，並坦言擔心老婆會被帶壞，吉吉幽默說：「我驚把持唔住……佢！」女子組方面，依然是何依婷最大反應，她「飆高音」投訴老公有位朋友每逢跟老婆吵架後就約她老公出去飲酒，而且次數頗頻密：「佢話『我同我老婆吵大鑊好唔開心呀，你出嚟陪我飲酒吖』。我第一次聽都仲『好吖、好吖』，咁出去就玩到好夜啦，但我都覺得唔緊要，最緊要傾好個問題。點知兩個禮拜後（好友）又鬧交喇！」依婷續指有次她忍無可忍，終決定介入事件並霸氣謂：「你哋唔好出去傾喇，返屋企傾，我幫佢解決！」結果依婷真的陪對方傾到凌晨兩三點，並駭然發現老公好友與太太吵架的驚人真相。
