阿根廷炒冰島 美斯復出兼入波
領隊史卡朗尼鬆一口氣
早前傳出受傷患困擾的阿根廷「球王」美斯，昨晨於熱身賽趕及復出並取得入球，協助阿根廷以3:0輕取冰島。令矢志爭取衛冕世界盃的領隊史卡朗尼，放下心頭大石。
今場是阿根廷出戰分組賽前最後一場友賽，早前傳出受傷並可能缺席首輪賽事的美斯，趕及康復列於後備席。阿根廷是役控制大局，開賽僅8分鐘便由華倫天巴高先開紀錄。到下半場70分鐘，美斯終於後備登場，兩分鐘後球隊博得12碼，美斯操刀得手為球隊射成2:0；到臨完場前，泰亞高艾美達再建一功，助阿根廷3球大勝，將可以強勢展開衛冕之旅。
美斯能夠在分組賽展開前復出，對阿根廷而言自然是利好消息，該名38歲球星今場對冰島是第199次代表國家上陣，如分組賽首戰對阿爾及利亞時落場，將會是其第200場國際賽，可說別具意義。至於阿根廷主帥史卡朗尼賽後亦表示，自己終可鬆一口氣：「今場測試令我十分滿意，原本心中一直存在嘅擔憂同疑慮，喺美斯回歸，見到佢同其他隊友嘅好表現，令我可以安心去迎接首場決賽周比賽。」
杜曹積極為英軍減壓
此外，英格蘭球迷一直希望球隊可自1966年奪冠後，再度贏得世界盃冠軍。面對球迷熱烈期盼，主帥杜曹就積極為球員減壓，揚言「三獅兵團」不是今屆比賽的奪冠熱門。
由於名氣關係，英格蘭每逢大賽均會被寄予厚望，但往往卻令人失望。杜曹被問到球隊爭標機會時，努力想為球員減壓：「英格蘭連續兩屆打入歐洲國家盃決賽，喺前兩屆世界盃打入四強同八強，表面睇係具備實力贏得冠軍。不過基於球隊已經有60年未贏過世界盃，加上近年多番失諸交臂歷史，我認為我哋唔應該被視為熱門，都係做挑戰者比較合適！」
杜曹亦談及自己對主力布卡約沙卡的擔憂：「沙卡季尾一直帶傷上陣，到依家其實仲未完全康復，我可以做嘅只係小心應對佢嘅狀況，盡量令佢可以安心做好上陣準備。」
