咕嚕肉連飯收$218呻貴 網民反應兩極擦火花
有食客近日發帖分享與女兒到西灣河蘇豪東一餐館用膳，點了咕嚕肉和白飯，連茶芥加一收218元價錢太貴，質疑「唔好去搶」。帖文惹網友熱議，不少人認同價錢離地，「特色欠奉，根本不值這價錢」；亦有人留意到餐館位置，反指收費合理，「見到個地段，見到個門面，都預咗唔係茶餐廳價錢啦」，意見兩極擦出不少火花。
樓主在Fb群組「筲箕灣西灣河關注組」發帖寫道：「咁樣收我$218真係唔好去搶……」照片顯示咕嚕肉賣相精緻，但分量較少，「味道我覺得酸咗少少，唔係話食唔起，不過覺得收呢個價錢唔值啫……」樓主最後指下次光顧連鎖食店「無咁嬲」，坦言「無下次」。
不少網民附和價錢太貴：「兩餸飯$40有找，可能仲多啲飯」、「我會寧願食快餐，或者兩餸飯，或者食公仔麵」；亦有網民不賣賬揶揄「太過分，一定係佢搵支槍，指住你入去食」、「貴從來都不是餐廳的問題，是閣下的問題」。有網民理性說：「下次唔去就是。何必勞氣。」
