龔嘉欣被質疑是「雙面人」 倪嘉雯力撐對方照顧後輩
香港文匯報訊（記者 梁靜儀）劉佩玥（Moon）、關嘉敏、倪嘉雯、莊子璇、宋宛穎、倪樂琳、陳潔靈、羅天宇及劉展霆等，昨日到電視城為今晚舉行的慈善籌款節目《萬眾同心公益金》綵排。
梁嘉琪早前接受HOY TV節目《九運會客室》訪問，大爆2012年拍攝無綫劇集《金枝慾孽貳》時，遭一位「雙面人」女星在片場「指指點點」，幸得同劇的伍詠薇出手相助，視后龔嘉欣成了網民推測的嫌疑人之一。先後與龔嘉欣合作過的Moon、關嘉敏及倪嘉雯，昨日被問及龔嘉欣的為人，阿Moon說：「我無睇到訪問內容，但我生得高大又威猛，我都好難被人蝦到，我又唔會蝦人，我唔知道其他人。我係喜怒形於色，如果被人蝦我會喊。」
關嘉敏說：「我拍劇通常都係蝦人，現實中我成日被人蝦，開工時都會被人蝦。之前都有同阿Moon傾訴過，有啲演員私自加戲，但冇夾，有少少唔開心。其實我覺得呢啲都唔算（蝦），係冇溝通好啫。」
至於倪嘉雯在《香港探秘地圖》中經常與龔嘉欣一起拍攝，但就沒有出現過上述所講的情況，反而覺得對方很照顧後輩，有時更會幫自己執衫執頭，拍攝前又會提點，所以沒有遇過類似問題。她又笑說：「真係好似冇乜被人蝦過，好似之前演阿Moon的年輕版，雖然冇同場，佢好照顧我，事先會同我分析角色。」Moon又指公司的女仔通常都好互助互愛，所以大家不用揣測太多。
關嘉敏笑言龔嘉欣可能拍勾心鬥角戲時入戲：「我覺得佢哋唔係講嘉欣，雖然我喺《香》劇中唔係同佢好多場對手戲，但我覺得佢好Nice，會好主動打招呼。」
莊思明傳喜訊 關嘉敏送祝福
另外，談到關嘉敏的好姊妹莊思明將與楊明結婚，關嘉敏即恭喜對方「連生貴子、三年抱兩」，問她是否會做姊妹？她自言不是一個可靠的姊妹，由於還有工作在身，所以未能幫手籌備。她笑說：「思明傳訊息同我講，叫我留日期畀佢，話佢會帶我去吉隆坡，跟住我就話好，我又冇問咩事，然後佢先同我講話佢會結婚，我好戥佢開心，我都驚到時會喊。」
Moon表示稍後將會為新劇《模範律師團》開工，為此她特別剪短頭髮，飾演律師的她說：「律師學術用語好難講，要先背熟劇本至可以放感情。有向人偷師，就是用錄音方法記對白，讀一次畀自己聽，每日不停播，但我發現聽自己把聲真係覺得好辛苦。」而關嘉敏自爆有為《模》劇其中一個單元角色試鏡，但要等通知。倪嘉雯則正籌備拍新劇《驅魔速遞》。
