胡鴻鈞獲封「龍舟文化宣傳大使」
香港文匯報訊（記者 余雁）一年一度的端午節即將來臨，不同地方均舉行龍舟競渡比賽，其中胡鴻鈞（Hubert）更獲番禺委任為「龍舟文化宣傳大使」，他更親身落船扒一轉，被姐姐大讚他「幾有力」。
Hubert前日特別到番禺參觀當地龍舟隊練習過程，與麥玲玲一同接受「龍舟文化宣傳大使」榮譽，並從傾談中更深入了解扒龍舟這項中國傳統文化，亦學習扒龍舟的技巧，他更獲邀落船試玩，見Hubert扒得有板有眼，跟同船姐姐很快就建立默契。
事後Hubert對於初次扒龍舟，自言感覺好新鮮，因為他過往雖然看過扒龍舟，但真正可以扒龍舟都是第一次，而為了今次扒龍舟，他可謂做足準備：「睇我呢身裝束就係特登為扒龍舟而買，之前特別上網睇吓人哋扒龍舟嘅裝束，本來有啲簡單嘅背心短褲，但我比較怕曬，基本上呢套衫係潛水用，全套係水上活動嘅裝備，以扒龍舟嚟講好似有少少誇張咗，但呢啲叫做好尊重個場合嘛！」
提到扒龍舟後感覺如何，他認為都有點天分：「同船啲姐姐都有讚我，『咦，幾有力喎』，都跟到佢哋個節奏。」Hubert認為扒龍舟最吸引人的地方就是大家一齊聽住鼓聲、聽住指揮同心合力去做一件事，認為這種默契同團結十分難得，本來Hubert更想嘗試做鼓手的滋味，但可惜沒有人跟他的節奏去扒，只好自己打鼓玩吓。
問他如何宣揚龍舟文化，Hubert說：「龍舟係中國傳統文化，好值得去宣揚，我好鼓勵啲年輕人，特別係鍾意水上活動嘅，試吓扒龍舟。因為唔係講個人，係講團體精神，對培養默契同隊員之間配合，點樣成為一個好領袖去帶領隊員跟鼓聲去扒，都唔係容易。」
