回應當年欺凌楊思琦傳聞 佘詩曼：邊咁得閒
香港文匯報訊（記者 梁靜儀）佘詩曼（阿佘）主演的舊作《無名天使3D》近日深夜重播，劇中她有水着場面，保養得宜的阿佘笑言若劇情需要，隨時可以再以泳裝拍戲。對於被重提當年與楊思琦不和，她說：「有人嘅地方就有是非，是非並唔代表事實嘅全部。」
阿佘昨日抱恙出席環保活動，她表示聲帶發炎，又笑言可能近日因太多慶祝生日飯局，蛋糕太甜所致。她謂難得今年生日不用開工，所以比平時多了生日飯局：「甜到無咗把聲。（收到最甜係咩禮物？）其實都唔係禮物，而係相聚時間，見到好多好耐冇見朋友。」
暫時未有劇開拍的阿佘，正計劃偕媽媽去旅行，問到會否再跟一班閨蜜外遊？她說：「唔知，或者有surprise。（到時再着泳衣？）always ready（隨時準備）。」
談到近日無綫深夜重播她與郭羡妮（Sonija）及楊思琦主演的劇集《無名天使3D》，她表示未有收看，但記得當年拍得好辛苦，因為要打，但拍得好開心，好像完成了一個挑戰，開工前一個月接受訓練學打，拍攝時九成都是親身上陣，拍到周身傷，但完成到好高難度工作係好開心同有滿足感。問到現時仍做唔做到？她坦言：「我諗要練吓，因為好多吊威吔。」
至於她當時跟哪位演員最投契？她說：「當年三個都OK，但因為又要打，又好多對白，好忙。」對於當年她跟楊思琦不和的傳聞又被翻炒？阿佘稱沒有留意報道：「但我記得有呢啲嘢，當年大家都顧住對白同動作，都冇時間去做其他嘢，嗰個係傳聞囉。（冇排擠對方？）邊咁得閒做呢啲嘢呀，就連飯都唔食，想沖個涼再入廠，冇咁多時間搞其他嘢。」
說到楊思琦早前被問到不和傳聞時，她只稱唔再講，但並沒直接澄清，阿佘說：「有人嘅地方就有是非，是非並唔代表事實嘅全部，我亦唔想再喺呢件事講乜嘢，大家𠵱家各自各都好好，我啦、Sonija、佢啦，有自己成功之處咪繼續囉！（再合作可OK？）如果題材啱咪再合作囉！（到時再着泳衣？）一定要着泳衣㗎咩？（如果再着泳衣拍劇，你OK？）劇情需要囉，着泳衣啫。」
